Во ТЦ „Лептокарија“ промовирани два проекта од информатичката технологија

Скопје, 01 април 2009

Mинистерот за информатичко општество Иво Ивановски, вицепремиерот Зоран Ставрески и в.д. градоначалникот на општина Карпош Сашо Димиќ во Трговскиот центар „Лептокарија“ денеска промовираа два проектa од информатичката технологија.  

 

Станува збор за отворање на слободна интернет зона на територијата на општина Карпош, за почеток само во трговските центри. Процесот ќе биде овозможен преку склучување договори меѓу локалната самоуправа и сопствениците на продавниците, кафулињата, рестораните....итн.

 

- Проектот е револуционерен, бидејќи се применува прв пат во Македонија. Верувам дека за кратко време ќе направиме општината да биде слободна интернет зона на целата територија. Досега се пријавени 72 локали кои ќе ја користат поволноста, рече Димиќ.
Вториот проект е тримесечен бесплатен курс за обука за компјутерски програми и учење на странски јазици преку интернет кој може да се користи од денеска. Ваучерите за користење на овој проект се бесплатни и можат да се набават во општина Карпош, а на нив стојат корисничкото име и лозинката за логирање. Веб страницата за користење е www.macedonian-school.com.

 

- Целта е што поголемо користење на интернетот, а и потребата на младите од странски јазици и компјутерски програми. Проектот нуди учење на англиски, албански, француски, германски, италијански и шпански јазик и повеќе програми, изјави Димиќ.