ИНФОРМАЦИЈА ЗА СПРОВЕДУВАЊЕ НА ОБУКА “Системот на јавната администрација и државна служба во Република Македонија“

Скопје, 25 октомври 2013

Министерството за информатичко општество и администрација, информира дека согласно Годишната програма за генеричка обука на државните службеници во Република Македонија за 2013 година, организира циклус на обуки на тема “Системот на јавната администрација и државна служба во Република Македонија“.

Обуката опфаќа теми за суштинските карактеристики на системот на јавна администрација, прашањата за статусот, правата и должностите на државниот службеник според Законот за државни службеници, теми од областа на ЕУ, и слободниот пристап до информации од јавен карактер. Обуката ќе ја спроведат државни службеници – практичари од релевантни институции.

Целна група се стручните државни службеници вработени во текот на 2011 година и има за цел нововработените лица да се запознаат со целокупниот систем на државна служба во Република Македонија.

Дводневната работилница ќе се одржи на: 4.-5. Ноември, 2013 (понеделник и вторник) во Домот на АРМ, Скопје, со почеток во 09:30 часот.

За сите детални информации, може да се обратите до лицето за контакт во Одделението за обука на администрацијата: Ирена Стамеска, e-mail: irena.stameska@mioa.gov.mk, тел. 3094-237.

Одделение за односи со јавноста при

Министерството за информатичко општество и администрација