ИНФОРМАЦИЈА ЗА СПРОВЕДЕНА ОБУКА НА ТЕМА “Управување со човечки ресурси“

Министерството за информатичко општество и администрација, согласно активностите предвидени со Годишната програма за генеричка обука на административните службеници во Република Македонија за 2015 година, на 14. октомври 2015 година, во просториите на Центарот за обуки на Министерството во Скопје, реализираше обука на тема “Управување со човечки ресурси“.

Целна група на обуката беа административни службеници, чиишто работни задачи се однесуваат на управувањето со човечки ресурси.

На обуката беа претставени и разработени основните поими за управувањето со човечките ресурси во државната служба, стандардите за управување со нив во државната служба, организационата структура и описот на работните места во органите на државната управа, постапката за селекција и вработување, оценувањето, мотивацијата, обуката на административните службеници. Обуката ја спроведоа административни службеници од Министерството за информатичко општество и администрација и на неа присуствуваа вкупно 19 државни службеници, од кои 18 лица од институциите на централната власт и 1 лицe од локалната власт.

Одделение за односи со јавноста при

Министерството за информатичко општество и администрација