Скопје, 11 март 2016 година

Почитувани,

Меѓусебно поврзување и користење на регистрите и базите на податоци меѓу државните органи и институциите-Интероперабилност

Мрежата ќе претставува ’рбетна комуникациска инфраструктура што ги поврзува сите министерства во безбедна и интероперабилна околина. Целта со овој проект е да се направи солидна инфраструктура помеѓу сите владини институции. До крајот на октомври 2008 година ќе се воспостави фибер оптичко поврзување, а средствата што ќе се заштедат, ќе бидат инвестирани во поставување на ВоИП-комуникација, Интранет, ДМС.

Со оглед на брзиот развој на информатичката технологија, се наметнува потреба од обновување односно проширување на капацитетите на постоечката инфраструктура. Најочигледен пример за влијанието на информатичката технологија е воведувањето на секојдневното деловно работење на Internet технологијата, подразбирајќи комуникација по електронска пошта, пребарување на информации, публикување на сопствени информации итн. Ова повлекува и развој на други сегменти поврзани со мрежните инфраструктури, како безбедност на податоците при складирање и пренос и зголемување на брзината за пренос на податоците.

Поврзување на регистри помеѓу институциите. Започната е подготовка на студија на изводливост за креирање единствена база на податоци која што ќе ги опфати сите државни институции, кои што поседуваат информации за граѓаните на РМ. Откако ќе се направи оваа студија, ќе биде објавен отворен повик, за консултант кој што ќе изработи софтвер за поврзување на сите регистри.

Започната е изработка на анализа за изградба на податочен центар во Владата на РМ кој ќе може да се употреби за имплементација на Национално тело за издавање сертификати. Со тоа би се овозможила реализација на неопходната PKI (public key infrastructure) инфраструктура за имплементација на напредни владини електронски услуги.

Проект за поврзување на Македонската академска и истражувачка мрежа МАРНет со регионалната SEEREN и понатаму со GEANT преку 1Gbps широкопојасен Интернет на земјите во регионот. Покрај Универзитетот „Св. Кирил и Методиј“, планираме на оваа мрежа во иднина да бидат поврзани и останатите државни универзитети, сите основни и средни училишта, а на приватните ќе им се дозволи да ја изнајмуваат линијата.

Со имплементација на овој проект ќе биде извршено поврзување на сите гранични премини во централизиран информациски систем компатибилен со системите на ЕУ. Тоа ќе се овозможи преку воведување едношалтерски систем за увоз и извоз и контрола при единствено застанување (one stop shop) во Македонија.

До 2011 инфраструктурната мрежа broadband ќе стане исто толку важна, како постојната патна инфраструктура. Во соработка со телекомуникациската индустрија и деловната заедница ќе ја поддржиме изградбата на high-speed broadband, која ќе им служи на сите граѓани на Македонија. Ваквите мрежи треба да поседуваат доволен капацитет да ја дуплираат својата брзина на секои 12 до 18 месеци.

Основниот приоритет на проектот “WI-FI- покривање на РМ” е дополнително да го мотивира и поддржи развојот на ИКТ секторот во Република Македонија. Целта на проектот е да ги подготви македонските граѓани за модерниот ИТ економски пазар, помагајќи им да бидат  подготвени за компетитивната глобална економија.

Поврзаноста на телекомуникациските мрежи во Република Македонија со телекомуникациските мрежи од соседните држави ќе претставува клучен фактор за и привлекување на странски директни инвестиции и зголемување на конкуренцијата во телекомуникацискиот сектор. Ќе продолжиме со доградба на оптички мрежи, кои ќе се изнајмуваат за потребите на пазарот.